Torradagar 19. – 24. februar

Úr rúgvuni kann nevnast, í Smæruni eru tríggir ymiskir fyrilestrar við kaffi afturvið, har Jákup Anderasen greiðir frá um “Góð minni og ættarbond í Kalsoynni”. Magni Arge greiðir frá um ”Niels Juel á ferð í Norðoyggjum” - um samrøður og reportasjur í Norðoyggjum í meiri enn 30 ár og Malan Østerø greiðir frá úr bókum sínum um uppvøkstur hennara á Trøllanesi. Tónlistaskúlin hevur næmingakonsert í skúlanum,                        

Í Christianskirkjuni verða fleiri ymisk tiltøk, sum skrúvuguðstænasta, morgunsangur og aftaná er drekkamunnur í kirkjukjallaranum. Føstugudstænasta, skótagudstænasta har eisini Strúkarabólkurin, Arcodrós spælir. Aftaná er drekkamunnur í kirkjukjallaranum.

Christianskirkjan bjáðar eisini til vøggusang og fríggjadagin verður sálmakvøld, har Klaksvíkar Hornorkestur luttekur, og drekkamunnur verður í kirkjukjallaranum.

Á Bókasavninum verður Bindiskeið við Sáru Mrdalo.

Torratingið í Varpinum

Tað altíð so áhugaverda Torratingið verður sent beinleiðis úr Varpinum í Útvarpinum hja´Kringvarpinum mikukvøldið 21. februar kl. 19.00.

Jón Brian Hvidtfeldt og Elin Winther Poulsen eru vertir við fiskuvinnutingið. Tú kanst eisini vera við og siga tína hjartans meining. Við tingborðið sita forfólk á tingi og eisini fólk umboðandi vinnuna.

Skráin fyri tingið og hvørji evni verða sett á skrá, verður at frætta meir um í Kringvarpinum í vikuni!

Torratingið verður útvarpað beinleiðis í Kringvarpi Føroya og verður eisini stroymt á Norðlýsinum.

Torramatur

Á Café Gloria spíla tey seg út við stóru fiskabufféini mikudagin, sjavskvøldi, sangløtu og hugnakvøldi.

Tað verður skipað fyri einum Flemish Kap kvøldi í Varpinum leygarkvøldið 24. feb. har tosað verður um og sagt søgur frá Flemmish Kap. Eisini bjóðar Gutti Winther eina betri Flemish Kap-máltíð, sum verður kallað Bacalao í Varpinum við m.a. saltfiski og øðrum fiskaúrdráttum.

Neyðugt er at tekna seg til tiltakið fyri at kunna gera tillaga matgerðina freistin fyri tekningina er mikudagin 21. feb. kl 12.00. Tekna teg til Bacalao í Varpinum her

Gunnar Nolsøe hevur ein afturlítandi tónleikabita frá Flemmish Kap - Brot úr tí mangan góða og annarleiðis tónleikinum, sum Flemmish-Kapparnir komumheim aftur við. Eisini verða sungnar onkrar sjómansvísur, sum Hans Hjalti og Hóraldur spæla undir til. Sjálvandi verða eisini sagdar søgur og hendingar frá Flemmish Kap. 

Á Flemish Kap kvøldinum í Varpinum verður eisini greitt frá ferð til Spania, "Fiskafagnaður í Spania" 15. - 22. oktober 2024.

Tekniski skúli letur dyrnar upp leygardagin 24. februar, har næmingar á Matvørudeildini hjá TSK bjóða eitt Torra sjálvtøkuborð. Høvuðsdenturin er rávørur úr sjónum m.a. royktur laksur, heimagjørd marinera sild, saltfiskur, roykt rogn og ymiskt annað. Eisini verður okkurt søtt omaná. Atgongumerki til Torra-sjálvtøkuborðið á kr. 100,-  fáast í TSK á degnum.  

Olaf Olsen í Varpinum

Í Varpinum fara Jón Brian Hvidtfeldt og Olaf Olsen, stjóra á Beta at hava samrøðu um søguna handan Beta, Vónina, Kubabátarnar og aðrar við.

Torratingið er ætlað at verða í Varpið. Har skulu floks-formenn á tingi taka til viðgerðar russlandssátmálan og skerjingar í fiskiveiðurættindum. Hesum skipar Jón Brian Hvidtfeldt fyri sum vertur og verður Torratingið eftir ætlan sent beinleiðis í sjónvarpinum.

Norðoya Bátafelag, sum heldur til í gamla roykivirkinum á Faktorsveg 6 skipar m.a. fyri sjavs-hugnakvøldi í felagshølunum. Leygarmorgunin bjóðar Norðoya Bátafelag til morgunmatur og reyp. Tá fer Marjun Lómaklett, prestur at hugleiða um Skarðsbátin – um at missa á sjónum, saknurin.

Til Torrakaféina í Betesda fara brøðurnir Jóhan Páll og Rógv Joensen at greiða frá um sjólív teirra. Jóhan Páll hevur í nógv ár verið skipari á m.a. Vesturvón og kennir Barentshavið og onnur við. Rógvi hevur verið við nógvum ymiskum skipum sum bæði skipari og stýrimaður – m.a. við russiskum, sponskum, portigisiskum og fronskum skipum við rættiliga fremmandari mentan og máli. Vitin syngur og aftaná verður boðið til te, kaffi og stóra kakuborðið, meðan Kafé-bólkurin syngur og spælir.

Hvussu verður veðrið

Hanus Kjølbro frá Veðurstovu Føroya greiðir m.a. frá, ”Hvussu verður veðrið” – um hvussu tey skrúva veðurforsagnirnar saman og hvussu kunnu tey gera meira lokal verðurtíðndi til smábátar o.o.

Eisini verður tikið afturí forsøgnirnar hjá kenda danska veðurmanninum, Jesper Theilgaard, sum var á vitjan á Torradøgunum 2017, tá ið hann spáddi, at vit fóru at fáa meira vind og meira avfall.

Í fjør kallaðist tiltakið á Norðoya Fornminnasavni “Hin Heimurin”, og var tá talan um huldufólk o.t. sum hópin av fólki møtt upp til. Í ár verður enn eitt spennandi tiltak frá ”Hinum Heiminum”, nemliga um UFO’ir.

Í Gamla Seglhúsinum er framsýning við kenda málaranum, teknaranum og myndhøggaranum, Hans Paula Olsen. Hesaferð sýnir hann fram tekningar og skitsur, sum listamaðurin hevur greitt úr hondum seinastu árini. Framsýningin hongur uppi fram til 23. mars.

Torrarenning og Heilsukafé

Treysti skipar fyri Torrarenning á rennubreytini á Másheygi, har øll kunnu vera við – yngri sum eldri.

Tað verður gingið ella runnið í ein ½ tíma á vøllinum við sakkønum hjálparfólki, og síðani verður farið inn í Tekniska skúla at fáa okkurt svalandi, har tú kanst fáa mált blóðtrýst og annað.

Í sambandi við renningina skipar Tekniski skúli fyri Heilsukafé á Torradøgunum, har til ber at máta blóðtrýstið, blóðsukur, lungaorku (Pike-Flow) o.a. Sjúkrarøktarfrøðingar frá Klaksvíkar Sjúkrahúsi máta blóðtrýst, puls, iltmetting, blóðsukur og lungnafunktión saman við næmingum á ítróttar- og heilsuleiðini á TSK.

Eisini bjóðar Tekniski skúli fleiri áhugaverdar svalandi, heilsugóðar drikkir og fruktdrykkir og onkrar brellbitar.

Café Fríða, Amarant, Angus og hinar matstovurnar hava ymiskt spennandi á borðseðlinum í Torravikuni.

Café Fríða skipar m.a. leygardagin 24. feb. kl. 21 fyri Sjómans Quiz og hugnaløtu. Ein spurnarkapping, sum Sámal Petur Í Grund og Martin Vágsheyg skipa fyri. Hvønn dag í vikuni er áhugaverdur Torra-borðseðil á skrá á Café Fríðu.

Listaframsýning á Café Fríðu / Biskupstorgið frá 19. feb – Hanus Lind Sørensen og Maria Mørkøre.

Í Varpinum - í Foyerin er framsýning av myndprýði til bókina, Fuglakvæðið/Fuglekvadet, Kaj Alstrup – Edward Fuglø og Norðoya Listafelag sýnir fram listaverk av ognum sínum – Kjallarin í Varpinum

Torri

Um Torra er skrivað, at “Torri er mánaðurin frá tendring síðst í januar til næstu tendring. Hesa tíðina kemur hýsa og toskur inn á grunnin at gýta, og er hesin mánaðurin serliga góð fiskitíð. Mánaðin eftir torra, góa, og einmáðaða snúði tað seg um gróðurin á landi; tá fór at vára. Men um torramánaðin hevur verið sagt, at menn fóru til prest at spyrja, um ikki føstugudstænastan kundi flytast frá vanligari kirkjutíð til um kvøldið, tí teir so fegnir vildu sleppa til útróðrar hesa ársins tíð. Prestur eftirlíkaði, og føstugudstænastan øskudag varð løgd um kvøldið.” 

Hesin “øskudagur” er mikudagurin eftir føstuinngang, og var sostatt 14. februar í ár. Harvið endar forni torramánaðurin
og modernaða torravikan nærum samstundis í ár.

Sagt verður eisini: Ravnur troðar í Torra, verpur í Góa - klekir í Einmánaða.

Vælkomin á Torradager í Klaksvík 19. - 25. februar!

Kunna teg nærri um skránna - Sí Torraskránna her

Sí Torrablaðið her