Páskadag

 Harra, vár Guð, himmalski faðir. Vær tøkkum tær fyri stóru náði og miskunn tína, at tú hevur givið upp son tín fyr syndir okkara og reist hann upp frá deyðum, okkum til æviga rættvísi. Vær biðum teg: gev okkum heilaga anda tín, sum kann leiða og stýra okkum eftir vilja tínum og av náði  varðveita okkum í sannari og livandi trúgv, varða okkum frá øllum syndum og eftir hetta lív vekja okkum upp til hitt æviga lívið fyri elskuliga son tín, Jesus Krist, váran harra, sum við tær livir og ræður í einleika heilaga andans, ein sannur Guð um aldur og ævir allar Amen.