Karl er lekkrast í donskum reality

 Portal.fo:

Til tónarnar hjá Nik og Jay við lagnum “Lækker” trein Karl Weihe úr Sandavági í kvøld upp á pallin í Cirkusbygninginum í Keypmannahavn.

Hann fekk á Reality Awards heiðurin sum lekkrasti maðurin í danska realityheiminum.

(Skíggjamynd: Ekstrabladet.dk)

- Eg má nokk takka mammu míni og pápa mínum fyri góðu genini. Tí tað er gott at vera lekkur. Eg elski at vera lekkur, segði sandavágsingurin millum annað í takkarrøðuni.

Karl Weihe er ein av høvuðspersónunum í sendirøðini Ex on the Beach 8, sum varð upptikið í heyst, og hevur verið víst á Discovery+ seinastu vikurnar.

Ex on the Beach er eitt sindur øðrvísi enn aðrar realitysendingar. Tað er eingin vinnari, og fleiri av luttakarunum, sum savnast í stórum summarhúsi í nakrar vikur, eru fyrrverandi unnustar ella ástarvinir.

Les eisini: Gongur striltið hjá Karli