Politikkur

Hoyringarfundir um Suðuroyartunnilin við tilhoyrandi tunnils- og vegakervum

Í sambandi við, at lógaruppskot um Suðuroyartunnilin við tilhoyrandi tunnils- og vegakervum í løtuni er til ummælis, verður skipað fyri trimum almennum hoyringarfundum, har fólk fáa møguleika at hoyra, hvat politiska semjan, verkætlanin og lógaruppskotið fevnir um. Høvið verður at seta spurningar og at gera viðmerkingar.

2024-11-21 07:47 Author image
Jóanis Albert Nielsen
placeholder

Á fundinum luttaka løgmaður, umboð fyri P/F Suðuroyartunnilin og Landsverk.

Skráin til hoyringarfundirnar:

  1. Politisk semja, lógaruppskot og fíggingarleistur (Aksel V. Johannesen, løgmaður)
  2. Suðuroyartunnil og tilhoyrandi tunnils- og vegakervi í Suðuroy (P/F Suðuroyartunnil)
  3. Møguligar loysnir viðv. tilhoyrandi verkætlanum á Sandoynni (Landsverk)
  4. Spurningar og viðmerkingar frá fundarluttakarum

Fundirnir verða:

  1. Mánakvøldið 25. november kl. 19.00 í Salt á Drelnesi
  2. Týskvøldið 26. november kl. 19.00 á Mørkini Miklu á Sandi
  3. Mikukvøldið 27. november kl. 19.00 í Finsen í Havn

Freistin at gera viðmerkingar til uppskotið er 6. desember 2024.

Uppskotið kann lesast her



Vinarliga broyt tínar kennifíla - og privatlívsstillingar fyri at síggja hetta innihald

placeholder