Eldraráðið í Vágum bjóðar morgunmat

Eldraráðið í Vágum saman við Vága Pensjónistafelag hevur nakrar ferðir í seinastuni bjóðað eldri til morgunmat, og hetta hevur verið væl vitjað.

Nú mikumorgunin, 28. februar kl 11 verður aftur boðið til morgunmat; hesaferð í Meinigheitshúsinum Saron í Sandavági. Tá verður eisini hugnaløta, har høvi er at sita við stokkum, fáa eitt gott prát, syngja og hoyra søgu. Tit kunnu taka eina 20 kr. við.
Øll eldri eru vælkomin.