Mentan

Countryfestivalurin verður skotin í gongd í kvøld

Í Sørvági er fagrasta veður og í kvøld verður árligi Countryfestivalurin skotin í gongd við einum útseldum eldratiltaki. Har fara Jørgen og Jákup við orkestri at syngja, spæla og undirhalda. Garpar koma at framføra sangir og sørvingurin, Pál Weihe, kemur at hugleiða.

2023-06-07 12:50 Author image
Jóanis Albert Nielsen
placeholder

Um vikuskiftið er árligi Countryfestivalurin í Sørvági. Longu eru hópin av húsvognum komnir til bygdina. Dungasandur er klæddur sum ein rættulig countrybygd og veðurforsøgnirnar eru avbera góðar.  

Í annaðkvøld, hóskvøldið kl. 17.00, verður Bassafestivalur á festivaløkinum. Fríggjakvøldið kl. 17.00 byrjar stóra brakið og kemur countrytónleikur at ljóma í Sørvági alt vikuskiftið við bæði útlendskum og føroyskum countrykongum.  

Vit gleða okkum til enn ein festival í Sørvági og vóna at síggja nógv fólk. Atgongumerki kunnu keypast á heimasíðuni www.country.fo.  

Vit síggjast :-)


Vinarliga broyt tínar kennifíla - og privatlívsstillingar fyri at síggja hetta innihald

placeholder