Vøksturin higartil í ár er 10,6%

Tað er stórur vøkstur í ferðafólkatalinum um Vága Floghavn. Higartil í ár er tað ein vøkstur uppá 10,6% í mun til sama tíðarskeið í fjør tað vísa nýggjastu tølini frá Vága Floghavn.

Higartil í ár eru góð 268.000 ferðafólk komin og farin um flogvøllin í Vágum. Alt tíðir uppá at árið í ár aftur verður met ár hjá flogvøllinum. Í fjør vóru tað 341.000 ferðafólk sum fóru og komu um flogvøllin.

Í august fóru og komu 46.000 ferðfólk um flogvøllin, sum er ein vøkstur uppá 12,3% í mun til august í fjør.