Vælkomin til mentanardagar í Sunda kommunu

So standa aftur nakrir spennandi og fjølbroyttir mentanardagar fyri durum.

Í ár hava vit valt at heilsa og rørsla skulu seta dám á mentanardagarnar. Okkara ágrýtnu Rynkeby-súkklarar fara at greiða frá til setanina og skipa teir eisini fyri súkklutúrum fyri í gjøgnum vikuna. Fyri fyrstu ferð er Fólkaheilsuráðið við í mentanardøgunum. og bjóða teir øllum borgarum at koma á gátt í Hósvíkar skúla leygardagin 10. september í samband við stóra morgunmatarborðið í bygdarhúsinum, sum kommunan skipar fyri.

Latið okkum hesar dagar raðfesta felagsskapin og njóta mongu mentanarligu tiltøkini, sum eru í okkara kommunu.
Hetta er eisini eitt gott høvi at vitja aðrar bygdir í kommununi. Vit eru øll ymisk, men partur av Sunda kommunu.
Eg vil vegna býráðið bjóða tykkum øllum at vera hjartaliga vælkomin til mentanardagar 2016.

Heðin Zachariasen, borgarstjóri