??tgávukonsert við Blátt Gras í Libanon fríggjakvøldið

Fríggjakvøldið 9. novembur kl. 21 verður konsert við bólkinum Blátt Gras í Libanon í Sørvági. Tað er í sambandi við at bólkurin júst hevur latið nýggja fløgu úr hondum, at konsertir eru um landið, og nú verður endiliga konsert ???á heimavølli???, sum limirnir í bólkinum gleða seg serliga til.

Eyðkendi stílurin hjá bólkinum gongur aftur í hesi útgávuni. Serliga er tað íblásturin frá ???bluegrass???, sum upprunaliga kom úr amerikansku suðurstatunum, og so akkustiska ljóðmyndin við ljóðførum sum mandolin, violin, banjo, dobro og munnhørpu.

Fleiri av løgunum á fyrru fløguni hava verið nógv at hoyrt í okkara útvarpsrásum. Í 2015 vann lagið ???There is room at the table???, FMA tónleikavirðisløn sum ???ársins sangur??? innan fólka-, country- og blues tónleik.

Teir ið manna bólkin Blátt Gras eru Ragnar Joensen, Johan Mikkelsen, Terje Johannesen, Jarnhold Nattestad og Richard Johansen. Teir skriva sjálvir øll løgini og allar tekstirnar.