Jóanis Albert Nielsen
Fyrsta og onnur afturlatna uppboðssølan av veiðirættindum verða avgreiddar 6. og 13. juni 2018.
Kunngerðin, ið ásetir, hvussu uppboðssølan av veiðirættindum verður skipað í 2018, er lýst, sí kunngerð nr. 32 frá 17. apríl 2018.
Ein broyting í mun til 2017 er, at sølan í 2018 fevnir um 3 sløg av rættindum, 1, 3 og 8 ára rættindi.
Tann 6. juni verður søla av fylgjandi rættindum avgreidd.
| - Svartkjaftur 1 ára rættindi: | 18.169 tons |
| - Svartkjaftur 3 ára rættindi: | 7.000 tons |
| - Svartkjaftur 8 ára rættindi: | 14.000 tons |
Seinasta freist at lata boð inn til hesa søluna er 6. juni kl. 12.00.
----
Tann 13. juni verður sølan av hesum rættindum avgreidd:
| - Botnfiskur (Norra) 1 ára rættindi: | 874 tons |
| - Botnfiskur (Russland) 1 ára rættindi: | 2.655 tons |
| - Botnfiskur (Svalbard) 1 ára rættindi: | 336 tons |
| - Botnfiskur (Russland) 3 ára rættindi: | 227 tons |
| - Botnfiskur (Norra) 8 ára rættindi: | 224 tons |
| - Botnfiskur (Russland) 8 ára rættindi: | 453 tons |
Seinasta freist at lata boð inn til hesa søluna er 13. juni kl. 12.00.
Í samband við uppboðssøluna verður mint á § 3, stk. 3 í kunngerðini, ið ásetir fylgjandi: ???Persónur ella felag, ið ætlar at bjóða upp á rættindi á uppboðssølu, skal lata skjalprógv inn í seinasta lagi 3 vikur, áðrenn uppboðssøla verður hildin, ella boð skulu latast inn. Millum annað skal skjalprógvast, at persónar ella feløg lúka treytirnar í § 5, stk. 1 og §§ 6, 7 og 9 í løgtingslógini.???
Nærri upplýsingar fáast við at venda sær til Vørn www.vorn.fo.
Fiskimálaráðið kunnar í næstum um sølurnar av veiðirættindum av makreli og norðhavssild.
Vinarliga broyt tínar kennifíla - og privatlívsstillingar fyri at síggja hetta innihald