2018-01-14 13:30 
Jóanis Albert Nielsen
Jóanis Albert Nielsen
Umfatandi umvælingar eru gjørdar á bjargingarbátin Sverra hjá Vága bjargingarfelag. Sverri hevur í meira enn eitt hálvt ár verið undir umvælingum. Hóast sín unga aldur, so var neyðugt at skifta tann eina motorin umborð á bátinum. Sverri verður 5 ár í summar.
Bátatænastan og Volvo hava víst góðan samstarvvilja, og hava hjálpt bjargingarfelagnum væl. Arbeiði at skifta motorin er gjørt í Hvalvík. Sverri hevur tveir motorar, og okkurt smáting mátti eisini skiftast á hinum motorinum.
Regin Jespersen formaður í Vága bjargingarfelag sigur við JN.fo, at nú verður tað seinasta arbeiði gjørt hjá skipasmiðjuni MEST, og væntandi verður Sverri klárur aftur fyrru hálvu av næstu viku.
Vinarliga broyt tínar kennifíla - og privatlívsstillingar fyri at síggja hetta innihald