2019-04-02 20:03 
Jóanis Nielsen
Jóanis Nielsen
Í dag byrjaði Spógvin at sigla á Hestleiðini, og í tí sambandi skipaði Heðin Mortensen, landsstýrismaður í samferðslumálum, fyri einum almennum túri út í Hest seinnapartin. Við á túrinum var Samferðslumálaráðið, Strandferðslan, umboð fyri Teistanevndina, og eisini vóru fjølmiðlar við á túrinum.
Hestfólk eru sera glað fyri at hava fingið ein fastan bát at sigla á farleiðini, og eisini er Heðin Mortensen, landsstýrismaður, sera glaður fyri, at ein loysn er funnin. Eftir almenna túrin til Hest í dag, kundi eisini staðfestast, at báturin er vælegnaður til endamálið.
Strandferðslan undirskrivaði keypssáttmála av ferðafólkabátinum fyri nøkrum vikum síðani. Spógvin er góðkendur til 18 fólk á vetrarhálvuni og 25 á summarhálvuni.
Vinarliga broyt tínar kennifíla - og privatlívsstillingar fyri at síggja hetta innihald