2016-12-19 11:22 
Jóanis Nielsen
Jóanis Nielsen
Ágrýtni og nýskapandi bólkurin, Rend Collective úr Írlandi, kemur nú til Føroya.
Rend Collective er ein norðurírskur bólkur, ið spælir nýskapandi fólkatónleik. Síðan 2010 hevur bólkurin verið rættuliga virkin á altjóða pallinum og útgivið 7 útgávur umframt fleiri stakløg. Eisini hava tey verið í uppskoti til fleiri virðislønir, m.a. á Klove.
Bólkurin hevur áður verið á konsertferð við eitt nú Chris Tomlin, Christy Nockels og Kari Jobe, ið eru kend nøvn innan kristna tónleikapallin.
Komandi ár verður bólkurin á konsertferð í Evropa og verður konsert í Føroyum 8. juni í Kelduni í Skálafirði. Fyrireikanir úr Kelduni siga, at hetta avgjørt verður ein konsert á heimsstøði og verður atgongumerkjasølan latin upp í dag.
Vinarliga broyt tínar kennifíla - og privatlívsstillingar fyri at síggja hetta innihald