2018-01-11 16:30 
Jóanis Nielsen
Jóanis Nielsen
Nú fer at bera væl til hjá kollfirðingum at draga bátarnar í bátahylinum í Kollafirði. Nýggjur bátadráttur verður í løtuni gjørdur at draga bátar á sjógv. Bátadrátturin riggar eisini til vognar.
Teir fóru undir arbeiðið í desembur, og tað verður eftir ætlan liðugt í januar.
- Vit gera nýggjan bátadrátt, eisini tí at hetta hóskar seg betri á hesum staðnum, síðani Tórshavnar kommuna legði flótibrýr út herfyri, sigur Bogi Andreasen, formaður í Vinnunevndini.
Gamli bátadrátturin í Kollafirði verður samstundis tikin burtur, og nýggi drátturin er fluttur eystureftir móti brimgarðinum.
Hesin nýggi bátadrátturin er samsvarandi minna bátadráttin í Álakeri.
Pláss er fyri knappliga 70 bátum í bátahylinum í Kollafirði.
Vinarliga broyt tínar kennifíla - og privatlívsstillingar fyri at síggja hetta innihald