Norðborg og Jupiter eru í kvøld staddir norðanfyri 68N

 Norðborg og Jupiter, sum eru einastu føroysku skipini í altjóða sjógvi, sum royna eftir sild norðanfyri, eru í kvøld staddir norðanfyri 68N, har er eisini eitt russiskt skip.

Tróndur í Gøtu landar á Tvøroyri og Finnur Fríði er áveg á Tvøroyri við sild. Fagraberg hevur landað í Fuglafirði, teir loystu í kvøld og hava sett kós norðuryvir.

Tað hevur verið hampuligur fiskiskapur hjá skipunum í altjóða sjógvi.