Malin Zachariassen við nýggjari tónleikaútgávu

Fríggjadagin 2. august, kemur triðja tónleikaútgávan hjá Malin út. ??tgávan ber heitiUndranarverdur. Her lýsir hon við egnum orðum og løgum júst undran sína á alt tað góða, ið Gud gevur okkum menniskjum.

Á útgávuni eru 14 sangir, sum eru framleiddir í Føroyum, Danmark og í Svøríki. Nógvir góðir tónleikarar og sangarar eru við á útgávuni, millum annað føroyski maður hennara, Jan Zachariassen, sum spælir bass og gittar á øllum sangunum.
Tekstirnir á útgávuni eru upprunaliga skrivaðir á svenskum, men eru síðani væl týddir til føroyskt av Onnu D. Háberg.

Í samband við útgávuna, verður konsert í ??strøm fríggjakvøldið 2. august klokkan 20.00, har møguleiki verður at ogna sær fløguna.
Nevnast kann eisini, at Malin syngur til gudstænastuna í Viðareiðis kirkju, sunnudagin 4. august klokkan 11.00.

SVÍKUR ONGANTÍÐ

Sum nevnt, er hetta triðja útgávan hjá Malin. Tann fyrsta útgávan Drekk av vatninum kom út fyri 20 árum síðani, og tann næsta Eg vil fylgja í 2003.
Sangirnir í undanfarnu útgávunum, eru væl kendir og nógv sungnir á møtum her á landi.

Á hesi útgávuni leggur Malin dent á at umrøða Gud sum náðifullan: ???Hann er skaparin av øllum tí, sum finst. Hann er tann, sum gevur døgum mínum lív. Gud er eisini andadráttur mín, og tann, sum ongantíð svíkur. Alt hetta havi eg sjálv roynt, og tí vil eg fegin syngja um hetta, so onnur kunnu síggja og uppliva tað sama???, greiðir Malin frá.

Og hon leggur aftrat: Tað øvuta av at vera undranarverdur, er at vera vanligur. Soleiðis er sambandið við Gud í mongum førum ígjøgnum lívið. Tað er varandi og kennist trygt, og samstundis undranarvert, av tí at Gud ikki heilt kann forklárast og er ikki púra vanligur.
- Framhaldandi finst ein longsul eftir meining, harmoni og at fáa svar uppá spurningar???.

MÍTT LÍVSGRUNDARLAG

Malin er sannførd um, at øll menniskju hava ein longsul eftir at ???koma heim???. Hettafinnur hon av royndum í trúnni, har hon eigur eina æviga vón í Jesusi.
???Tað er mítt lívsgrundarlag. Men at fáa svar uppá spurningarnar tekur ofta langa tíð. Sambandið krevur arbeiði. Tað tekur eitt heilt lív. Fyri meg er tað tað vert.

Eg eri so takksom fyri tað gávumildni, sum eg møti hjá Gudi. Ein kærleiki, sum lurtar, fevnir, lýsir upp og sum ikki dømir órættvíst. Mær leingist eftir at eisini liva soleiðis, sigur Malin???.

Og hon leggur at enda aftrat: Hetta er orsøkin til at eg haldi á at syngja og seta mína vón á tann, sum hevur mátt at leiða og mátt at grøða; Hann, sum er kærleikin og størstur av øllum. At koma nær Honum, - tað er ein undranarverdur framíhjárættur???.

Vælkomin á konsert í ??strøm, fríggjakvøldið 2. August kl 20.00

Sølulistin

Fløgan kann keypast í fylgjandi handlum:

Norðoyggjar

Kiosk 700, Klaksvík Elding, Klaksvík
Alfa Bókhandil, Klaksvík

Eysturoy

Navia, Toftir
Kiosk Vár, Saltangará Effo, Leirvík
Effo, Strendur
Magn, við Streymin

Streymoy

Tutl, Tórshavn
Elding, Tórshavn
Logos Bókhandil, Tórshavn

Vágoy

FK, Miðvágur

Sandoy

Magn, Sandur Á, Skopun

Suðuroy

Bærendsen teknik, Tvøroyri Tangabúðin. Tvøroyri Suðuroyar Heimavirkið, Vági