Løgmaður setir Nordisk Kystkultur 2016

Fríggjadagin kl. 15 byrjar Nordisk Kystkultur Festival 2016 í Vági. Sjálv stevnan verður tó ikki sett fyrr enn norðurlendska- og føroyska regattafylgi koma á Vág. Og verður tað Aksel V. Johannesen, løgmaður, sum setur Nordisk Kystkultur 2016.

Fríggjakvøldið um 18-tíðina kemur regatta-flotin á Vágsfjørð og verður siglt inn á fjørðin, har grindabátarnir í Vági taka ímóti. Lagt verður síðani til bryggju, og kl. 19.30 verður Nordisk Kystkultur 2016 alment sett.

Skráin fyri setanina er hendan:

Kl. 19.30 NORDISK KYSTKULTUR 2016 VERÐUR ALMENT SETT:

• Tvøroyrar hornorkestur spælir meðan regatta-flotin og bátar leggja at bryggju og fólk koma í land.
• Dennis Holm, borgarstjóri bjóðar vælkomin.
• Aksel V. Johannesen, løgmaður, setir Nordisk Kystkultur 2016.
• Formaðurin fyri felagið Føroysk Træseglskip, Hans Eli Hansen, og formaðurin fyri Felagið Kysten í Norra, Asgeir Svendsen, bera fram heilsan.
• Orðið á borðið luttaka við tónleiki og sangi.
• Dennis Holm, borgarstjóri takkar fyri ??? og heilsar vitjandi og gestum um at njóta Nordisk Kystkultur dagarnir.