Listaframsýning við Astrid Andreasen

Býarbókasavnið er karmur um regluligar framsýningar í hølunum á niðastu hædd. Framsýningin hesa ferð er við Astrid Andreasen, sum sýnir framakvarell-, litblýants- og tussjmyndir.

Listarliga virksemið hjá Astrid Andreasen (f. 1948) spennir víða. Hon er virkin innan myndlist, sniðgávu og myndprýðing og vísindaliga illustratión av millum annað djórum og plantum.

Astrid varð fyrst útbúgvin sum broderi- og ítrivslærari frá Kerteminde Husflidshøjskole í árunum 1968-1970, síðani innan tekning og myndaveving frá ??rhus Kunstakademi í 1984-1986. Í 1990-1991 tók Astrid útbúgving innan vísindaligan illustratiónsteknikk á Jerlesborgskúlanum íTjärnö, Svøríki.

Á framsýningini verða 20 myndir sýndar fram. Motivini eru við íblástri úr hugaheiminum og úr náttúruni. Heimadjór, fiskar, fuglar og blómur.

Fernisering er fríggjadagin 7. november kl. 16. ??ll eru vælkomin.

Framsýningin er at síggja allan november og desember.