2017-07-25 09:05 
Jóanis Nielsen
Jóanis Nielsen
Í samband við, at fyrrverandi forsetisráðharrin í Íslandi, Jóhanna
Sigurðardóttir, og kona hennara, Jónína Leósdóttir luttaka og setaársins Faroe Pride tiltak, leggur Jónína Leósdóttir bók fram um teirra
felagslív. Bókaframløgan verður í Rit & Rák í SMS mikukvøldið, 26.
juli 2017, kl. 19.00.
Jóhanna Sigurðardóttir gjørdist fyrsti kvinnuligi forsetisráðharrin í
Íslandi í 2009 og fekk soleiðis til uppgáva at rudda upp eftir stóra
húsgangin. Jóhanna gjørdist samstundis fyrsti opin samkyndur
landsleiðari í heiminum. Í 2010 var íslendska forsetisráðharraparrið á
almennari vitjan í Føroyum. Henda vitjan fekk nógva altjóða
miðlaumtalu, tá tað frættist, at ikki øll innbjóðaðu vildu luttaka við
almenna døgurðan hjá løgtinginum, tí forsætisráðharrin var samkyndur.
Í bókini ???Jóhanna og eg??? viðgerð, Jónína Leósdóttir, kona fyrrverandi
forsætisráðharran, sum sjálv er rithøvundur og fyrrverandi
journalistur hesa serligu vitjan í Føroyum. Bókin snýr seg eisini um
lív teirra saman, sum hjún, landsleiðarar, íslendskan politikk og
teirra lív sum heimskendar LGBT undangongukvinnur.
Hetta er fyrstu ferð, at fyrrverandi forsetisráðharraparið vitjar
aftur í Føroyum eftir nógv umrøddu almennu Føroya vitjanuna í 2010.
Bókin ???Jóhann og eg??? er tiltaks á donskum og íslendskum. Møguleiki er
at ogna sær bókina og fáa hana signeraða á almenna og ókeypis
tiltakinum í Rit & Rák í SMS mikukvøldið.
Vinarliga broyt tínar kennifíla - og privatlívsstillingar fyri at síggja hetta innihald