Hoyvík og Borgarin landa í Kollafirði

 Hoyvík kom á Kollafjørð fyri løtu síðan við 600 tonsum av sild, sum teir landa til Faroe Pelagic, teir byrjaðu at landa beinanvegin teir komu á Kollafjørð, Hoyvík hevur 600 tons av sild.

Borgarin kemur á Kollafjørð nú kl. 8, teir hava 1.050 tons av sild, teir sleppa framat at landa í kvøld, tá ið liðugt verður at landa Hoyvík.

Vit tosaðu umborð á Borgaran fyri løtu síðan - skiparin Kristian Dam segði, at fitt av sild var at síggja tætt norðanfyri Føroyar, har allur tann føroyski flotin roynir, eisini eru nógv íslendsk skip á leiðini norðanfyri Føroyar, segði Kristian, sildin skipini fáa er bæði stór og góð, segði Kristian Dam.

Borgarin fer nýggjan túr í morgin.