StÍF: Vit skulu klára okkum betur í ár

 Í vikuskiftinum fer FTZ-deildin í gongd, sum er landskappingin hjá monnum í manshondbólti. Fyrsti dystur verður leygardagin, og sunnudagin er næsti dystur á skránni, tá fær StÍF vitjan av VÍF, VÍF vann greipuna seinasta kappingarár. Vit hava sett Pola J. Hansen, venjara hjá StÍF nakrar spurningar.

Hvat vænta tit av kappingarárinum ?

-          StÍF endaði næstaftast seinasta kappingarár,  so vit kunnu bara yvirraska, alt omanfyri  seinasta kappingarár, er góðtikið.

Hvat er tykkara mál ?

-          Vit hava ikki sett okkum annað mál, enn at gera tað betur enn seinasta kappingarár.

Hvat er tykkara besta vápn ?

-          Okkara vápn skal vera góðir málmenn og  skjótt  spæl.

Hvørji lið vænta tit fara at kappast um FM-heitið?

-          Eg má siga, at eg veit ikki, havi ikki sæð KÍF og Team Klaksvík. Tá eg sá Kyndil vóru teir illa mannaðir. Men helst verður tað H71 og Kyndil.

Hvussu sær tykkara hópur út ?

-          Vit hava næstan sama hóp sum seinasta ár, eina góða blanding av eldri og ungum spælarum. Steinar Prestá og Eyðfinn Poulsen eru farnir til Danmarkar í lestrarørindum.

Vit hava fingið ein grønlenskan  málmann, sum eitur Isak Olsen. Eisini eru  Borgar Danielsen og Jákup Berthelsen byrjaðir aftur,  og so er tað tilgongd av ungum spælarum.