Hevur bara seyð við glærfiti

 Í Heimaraparta Inni í Haga í Funningi hava teir bara glærfitaðan seyð, tað hava teir lagt seg eftir í nógv, nógv ár sigur hagamaðurin - Petur Skeel Skarðsá - sum hevur fingist við seyð síðan hann var smádrongur.

Pápi hansara var hagamaður í Heimaraparti Inni í Haga, tá ið Petur Skeel var smádrongur, tí var tað sjálvsagt, at Petur tók við, tá ið pápin gavst, í 1976 varð Petur valdur til hagamann, hann røktar enn, men nú við hjálp frá strandinginum Karl Høgna Jensen.

Petur sigur at teir seinast í sekstí-árunum løgdu seg eftir at ala seyð við glærfiti, nú hava teir so at siga bara glærfitaðan seyð.

Fyri ikki at koma í bland við aðrar seyðir, so verður allur seyðurin brundaður inni, og so koyrdur í hagan, eftir at hann er brundaður.

??rslitið er gott, vit vóru eisini í hjallinum - sí mynndir niðanfyri.

Petur Skeel Skarðsá er ikki nøgdur við arbeiðið, sum verður gjørt á Royndarstøðini, hann heldur at tað er sera harmuligt, at føroyingar hava bygt eina stóra og nútímans royndarstøð til landbúnaðin, sum so at siga bert verður brúkt til skrivstovur.