Grindin er farin vestur í hav

 Vit tosaðu umborð á Brimil fyri løtu síðan og spurdu um grindina, sum teir funnu um 17-tíðina í dag vestur úr Suðuroynni.

Teir søgdu, at tá ið teir funnu grindina, tá var hon 3,5 fj. vestur úr Suðuroynni, hon kavaði illa og gekk bara vesturá, tá ið teir kl. 21.10 í kvøld, vóru komnir út á 8 fj., varð gjørt av at lata grindina fara, tí hon var so ring at fáast við, tá vóru 10 bátar hjá grindini.