Gestur og Andrias halda fram í B36

Í fjør var eingin ivi um, at Andrias Eriksen var stóra stjørnuskotið her hjá okkum, og líka lítil ivi tykist í løtuni vera um, at Gestur Bogason Dam er í ferð við at taka heitið til sín í ár.

Gleðiligt er tað undir øllum umstøðum, at vit nú hava vissu fyri, at teir báðir eisini verða at síggja í B36 tey bæði komandi kappingarárini. Teir báðir hava nevnliga skrivað undir sáttmála, sum bindur teir at B36 bæði í 2016 og í 2017, tað skrivar b36.fo í kvøld.