Fyrsta DELF prógvið á Kambsdali handað

Í fjør bleiv Miðnám á Kambsdali góðkent at standa fyri sokallaðu DELF próvtøkuni, og í farnu viku bleiv fyrsta prógvið handað Rebekku Askham, sum eisini tók studentsprógv í summar.

DELF stendur fyri Diplôme d???études en langue franҫaise og er skipað í trimum torleikastigum. Endamálið er at fáa skjalfest førleikarnar í fronskum eftir einum felags evropeiskum leisti.

Fransktlærarar skúlans, Hanna Jensen og Hallgerð Brim, eru góðkendir próvhoyrarar og próvdómarar til DELF royndirnar. Tær eru skúlaðar frá franska stovninum, Institut Franҫais, í Keypmannahavn.

Næstu royndirnar verða í tíðarskeiðnum 24., 25., og 26. apríl í 2017.

Nærri kunning um royndirnar verður send út í seinnu helvt av mars mánaði. Hevur tú spurningar um royndirnar, um tey ymisku torleikastigini ella annað hesum viðvíkjandi, ert tú vælkomin at ringja til Honnu Jensen á telefon 211057 ella skriva til [email protected].

Mynd 1: Páll Isholm, rektari, handar Rebekku Askham fyrsta DELF prógvið í Føroyum.

Mynd 2: Hanna Jensen og Hallgerð Brim, fransktlærarar skúlans, saman við Rebekku Askham.