2017-12-07 22:47
Jóanis Nielsen
Jóanis Nielsen
Í morgin, fríggjadagin 8. desember 2017, verður 2. viðgerð av uppskotinum hjá samgonguni um sjófeingi (Løgtingsmál nr. 18/2017).
Tað eru ikki smávegis broytingar, sum lagt verður upp til í uppskotinum um nýggja fiskivinnuskipan.
Tað eru nógv viðurskifti, ið vit hava havt viðmerkingar til í Vinnunevndini; og tað eru nógv ræðandi punkt í uppskotinum.
Eitt av teimum er avtøkan av veiðuloyvum, og hvørjar avleiðingar tað hevur við sær, tá veiðuloyvini verða loyst frá stálinum.
Sum dømi kundi verið nevnt, at við uppskotinum hjá samgonguni er onki til hindurs fyri at skipini, sum higartil hava fiska í Barentshavinum (Enniberg, Gadus, Sjúrðarberg og Akraberg) vera sett inn í fiskiskapin undir Føroyum. Verður tað gjørt so megna hesi skip at fiska meginpartin av botnfiskinum, sum fiskaður verður undir Føroyum í einum fiskiári. Og vit spyrja: Eru vit veruliga so langt úti, at tað er ein slík skipan vit ynskja?
Annfinnur Garðalíð
Vinarliga broyt tínar kennifíla - og privatlívsstillingar fyri at síggja hetta innihald