Føroya flottasta hálv marathon ruta

Frælsi: Ítróttarfelagið Frælsi í Vágum skipar fyri eini hálv marathon renning leygardagin 6 september. Teinurin runnið verður er úr Gásadali og til kirkjuna í Sandavági. Tilmeldingin er í gongd inni á heimasíðuni hjá FíF renn.fo. Tað er møguligt at melda til renningina fram til hósdagin 4. september á midnátt, tá lukkað verður fyri tilmelding.

Tað var 4. mars í 2004 at ítróttarfelagið Frælsi bleiv sett á stovn og verður tíggjunda árið fagnað við at renna eftir føroya flottastu hálv marathon rutu. Runnið verður gjøgnum allar bygdirnar í Vágum. Byrjað verður við skúlan í Gásadali og málið er við kirkjuna í Sandavági.

Rennarnir møta kl. 9.30 við skúlan á Giljanesi har startnummur verða útflýggjaði. Møguligt verður hjá luttakarunum at skifta og lata skiftiklæðir inn, til at heinta eftir renningina, har møguleiki somuleiðis verður at fara undir brús. Av Giljanesi verður farið við bussi kl. 10.30 til Gásadals, starturin er kl. 11. Fyri hvørjar 5km verður ein vatnpostur.

Fyrireikarnir vóna at síggja nógvar rennarar, men eisini nógvar áskoðarar fram við vegnum sum fara at heppa á rennarnar tá teinurin í støðum kann vera eitt sindur tungur.