Fór útav á Oyggjarvegnum í morgun: Trygdarbeltið hevur stóran týdning

Portal.fo:- Eg havi ið hvussu er funnið útav, hvussu stóran týdning tað hevur at brúka trygdarbeltið í bili. Eg rendi meg í hálku, tá eg fór til arbeiðis í morgun, og tað endaði við, at bilurin fór út av vegnum og endaði á takinum.

Soleiðis greiðir Hugin Skaalum úr Sørvági frá, tá Portal.fo ringir fyri at hoyra um hendingina, sum fór fram um 10-tíðina í morgun.

Hann var á veg til arbeiðis í Havn og valdi at fara eftir Oyggjarvegnum, sum hann plagar at gera mitt í viku. Men komin niðan á Mannaskarð, sum er skarðið omanfyri Hundsarabotn og Mjørkadal, rendi hann seg í krapa og tað endaði við, at hann misti tamarhaldið á bilinum og fór útav, tað skrivar Sveinur Tróndarson á portal.fo.



(Myndir: Hugin Skaalum)