Finnur Fríði siglir inn við 1.400 tonsum av sild

 Finnur Fríði fór í gjárkvøldið at sigla inn við 1.400 tonsum av sild, sum teir skulu landa til Pelagos í Fuglafirði.

Teir verða inni á middegi, men fara á Runavík at bíða, til teir eiga landingartørn, tað verður á middegi hósdagin. Í løtuni landar Jupiter í Fuglafirði, so skal Tróndur í Gøtu landa - áðrenn Finnur Fríði sleppir framat.

Vit á JN.fo tosaðu umborð í morgun, tað er gott veður norðanfyri, sildin teir hava fingið er góð og góð stødd, tað var fitt av sild at síggja norðuri á 64, har teir royndu.