Finnur Fríði kemur á Fuglafjørð við makreli

 Finnur Fríði kemur á Fuglafjørð í nátt við 600 tonsum av góðum makreli, sum teir skulu landa til Pelagos í Fuglafirði.

Vit tosaðu umborð fyrr í kvøld, støddin á makrelinum liggur um 430 og 440 gramm.

Finnur Fríði hevur roynt á umleið 66N og 2V, beint norðanfyri føroyska markið, har eru fleiri russisk og íslendsk skip, og so Tróndur í Gøtu og Fram.

Føroysku skipini Norðborg og Christian í Grótinum royna longuri norði og meira vestalaga á - umleið 67N og 6V.