2021-04-20 07:30 
Jóanis Albert Nielsen
Jóanis Albert Nielsen
Helgi Dam Ziska hevur higartil vunnið øll trý talvini í kappingini millum bestu telvarar úr smátjóðum í Evropa, men tað sama hava hinir báðir favorittarnir, Michael Wiedenkeller úr Luksemburg og Igor Efimov úr Monako.
Annað føroyska umboðið í kappingini, tann blaðungi Luitjen Akselsson Apol, hevur í sínum lagi einki stig fingið enn.
Helgi syfti í kvøld Jake Darmanin av Malta, sum eisini hevði tvey stig undan talvinum í triðja umfari í dag.
Wiedenkeller vann á Brezmes úr Andorra, og Efimov vann á Carpenter av Jersey. Luitjen tapti fyri Fred Berend úr Luksemburg, sum er altjóða meistari og styrkismettur nummar fýra.
Støðan í kappingini eftir trý umfør er henda:
1.-3. GM Helgi Dam Ziska 2539 (F??R) 3 stig
1.-3. IM Michael Wiedenkeller 2445 (Luksemburg) 3 stig
1.-3. GM Igor Efimov 2416 (Monako) 3 stig
4.-5. IM Fred Berend 2323 (Luksemburg) 2 stig
4.-5. Jake Darmanin 2106 (Malta) 2 stig
6.-7. Pavlos Constantinou 2120 (Kyprós) 1 stig
6.-7. Luke Brezmes 2043 (Andorra) 1 stig
8-10. Luitjen A Apol 2103 (F??R) 0 stig
8-10. Paul Carpenter 1982 (Jersey) 0 stig
8-10. Ezio Righi 1915 (San Marino) 0 stig
Stórmeistarar hittast
Tað er eingin ivi um, at dystirnir innanhýsis millum favorittarnir verða avgerandi í hesari kappingini. Og tann fyrsti innanhýsis dysturin verður í fjórða umfari í morgin týsdagin.
Tá møtast Helgi og Igor Efimov - báðir stórmeistarnir í kappingini. Efimov er 60 ára gamal, er ættaður úr Georgia í táverandi Sovjett, seinni gjørdist hann italskur ríkisborgari og vann italska meistaraheitið í 1998 og 1999. Hann sat á fyrsta borði á italska landsliðnum á talvolympisku leikunum í 1998 og 2000. Eftir aldamótið setti hann seg niður í Monaco, og hevur síðani 2008 umboðað Monako á talvolympiadum.
Helgi hevur svarta fólkið móti Igor Efimov.
Telvað verður soleiðis í fjórða umfari:
4. umfar (20. apríl) kl. 17:00
Igor Efimov - Helgi Dam Ziska
Jake Darmanin - Michael Wiedenkeller
Pavlos Constantinou - Luitjen A. Apol
Luke Brezmes - Fred Berend
Ezio Righi - Paul Carpenter
Vinarliga broyt tínar kennifíla - og privatlívsstillingar fyri at síggja hetta innihald