Eru komnir niðurav Trøllkonufingri

Tíðliga í kvøld valdu teir fýra klintrarnir, sum ætla at taka Trøllkonufingur eftir vestursíðuni, at fara niður aftur. Dagurin í dag hevur ikki eydnast teimum so væl, sum teir ætlaðu, fyrst máttu teir útseta í nakrar tímar í morgun, men á middegi var klárt at fara, og vóru teir komnir eitt vet upp síðani.

Mett verður at tann fyrsti triðingurin av Trøllkonufingri er tað torførasta á vestursíðuni. Í dag komu teir uppá 65 metrar - í grein fyrr í dag, skrivaðu vit at teir ætlaðu at klára 100 metrar í dag.

??tlanin var ikki at fara av aftur Trøllkonufingri í dag, men mjørki og sirm gjørdi at teir valdu at fara niður aftur.

Tað eru Jack Grinsted, Dave Mckinney, Jason Blair og Absalon Esturoy, sum eru við á túrinum.

Sí eisini myndir tá ið teir byrjaðu uppá túrin.