Enniberg er komin heim úr Barentshavinum

Flakatrolarin Enniberg er komin heim úr Barentshavinum, teir komu á Havnina í dag við 650 tonsum av flaki.

Enniberg fór úr Føroyum 7. juli, teir byrjaðu at fiska í russiskum sjógvi, fiskaðu kvotuna upp har, síðan í norskan sjógv, og tá ið liðugt var í norskum sjógvi fóru teir til Svalbardsøkið - í nátt var liðugt har.

Manningin telur 34 mans, skipari er Sonny Johannesen.