Jóanis Nielsen
Kl. 16.00 í dag verður ein standmynd av Jógvan Waagstein, fjøllistamanni avdúkað í Klaksvík. Tað er Norðoya Sparikassi, sum saman við Klaksvíkar kommunu, ið skipar fyri.
Jógvan Waagstein var føddur í Klaksvík, sonur Samuel Michael Joensen, lærari og deknur úr Gerðum í Klaksvík og Mariu Fredrikku, f. Olsen av Toftanesi í Leirvík. Jógvan Waagstein var giftur við Elsebeth Súsannu, f. Dahl úr Vági.
Jógvan Waagstein var ein fjøldbroyttur listamaður. Umframt sítt lívsstarv sum lærari tókst Waagstein við nógv ymiskt mentanarligt arbeiði, millum annað var hann nótauppteknari, komponistur, listamálari og urguleikari í Havnar kirkju. Ímillum løgini, hann hevur gjørt, kunnu nevnast: Í búri, Tíðin rennur sum streymur í á, Hann rann sær kátur og Ein skortlitt kúgv við garðalið.
Jógvan Waagstein var eisini ein virkin listamálari. Motivini eru tey allarflestu landsløg og bygdaløg í Føroyum. Hann hevur m.a. málað altartalvurnar í Árnafirði, Mikladali og í Hovi.
Norðoya Sparikassi og Klaksvíkar kommuna vilja við tiltakinum, sum fer fram fríggjadagin 31. mai kl. 16 heiðrað hesum mentamanninum, Jógvan Waagstein.
Skráin er hendan:
- Signhild V. Johannesen, forkvinna í mentarnevndini, bjóðar vælkomin
- Kirkjukórið syngur ???Dimmið??? ??? Lag: Jógvan Waagstein
- Andras Sólstein savnsleiðari sigur frá Waagstein
- Tónlistaskúlin, ???Tíðin rennur sum streymur í á???.
- Gulla ??regaard, abbadóttir, fortelur um abba sín Jógvan Waagstein
- 17 Sangarar syngja "Vár við lýggjum vindi" ??? Lag: Jógvan Waagstein
- Alex Sólstein, fyrrverandi skúlastjóri, hugleiðir um Jógvan Waagstein
- Ingibjørg Hansen og Magni Husgaard syngja ???Í búri??? ??? Lag: Jógvan Waagstein
- Marner Mortensen, stjóri í Norðoya Sparikassa, tekur samanum
Boðið verður yvir í býarlundina, har bringumynd av Jógvani Waagstein verður avdúkað. Norðoya Sparikassi bjóðar kaffi og okkurt afturvið.
Vinarliga broyt tínar kennifíla - og privatlívsstillingar fyri at síggja hetta innihald