Bergtóra Hanusardóttir verður heiðrað á Landsbókasavninum 15. november

Í sambandi við at Bergtóra Hanusardóttir fyllir 70 ár hevur Landsbókasavnið alment tiltak týsdagin 15. november kl. 17.00, har Bergtóra verður heiðrað.

Á tiltakinum hevur Hanus Kamban framløgu um ritverk hjá Bergtóru, Gunnvá Zachariassen lesur upp úr úrvaldum útgávum og síðani framførur sangbólkurin Kata føroyskar sangir. Eisini bjóðar Landsbókasavnið kaffi/te, køkur og frukt. ??? Tiltakið verður í hølunum hjá Landsbókasavninum í J.C. Svabosgøtu 16. ??ll eru vælkomin.