Bakkafrost hevði 268 milliónir í rakstraravlopið 1. kvartal 2018

Góðu tíðirnar hjá laksaalingini halda fram.

Bakkafrost sigur í tíðindaskrivi í morgun, at teir hava eitt rakstrarúrslit uppá 268 milliónir 1. kvartal í ár, tað er eitt vet minni enn í fjør, tá ið rakstrarúrslitið fyri 1. kvartal var 335 milliónir.

Teir hava tikið góð 12.000 tons av laksi í 1. kvartali í ár ímóti góðum 13.000 tonsum somu tíð í fjør.

Laksaprísurin var heldur betri teir fyrstu mánaðirnar í ár, um samanborðið verður við seinasta kvartal í 2017.

Á aðalfundinum, sum var 13. apríl var samtykt, at kr. 10,50 skulu gjaldast út sum vinningsbýti fyri hvørt partabræv, tað gevur eitt samlað útgjald uppá kr. 513 milliónir.