Avalon er nú komin til norðara kant av Hetlandsrennuni

 Tað hevur gingið væl hjá manningini á Avalon at rógva til Føroyar, síðani teir byrjaðu aftur. Í dag hava teir róð tvørtur um Hetlandsrennuna og nærkast nú norðara kanti av rennuni.

Tað sær út til at góða veðrið fer at halda sær, ættin er landsynningur, sum seint í morgin dragar meira í eystan. Í dag er vindferðin 3-4 m/sek, vindurin veksur í morgin, tá fer vindferðin at liggja um 10-11 m/sek.