Ársins virki og ársins átak valt aftur í ár

...

2014-09-16 01:24

JÃ³anis Albert Nielsen

Vinnuhúsið: Á árliga Vinnudegnum, sum í ár verður 26. september, verða Ársins Virki og Ársins Átak kosin. Endamálið við hesum er at menna vinnuligan hugburð og økja um virðingina fyri vinnuni hjá myndugleikum og borgarum. Endamálið er eisini at geva virkjum, sum á einhvønn hátt hava klárað seg væl, eitt herðaklapp og treysti til at halda fram á somu kós.

At velja Ársins Virki er framhaldandi ein týdningarmikil partur av Vinnudegnum. Til at velja Ársins Virki situr ein dómsnevnd, ið er vald av nevndini í Føroya Arbeiðsgevarafelag. Umframt at leggja dent á fíggjarlig úrslit seinastu árini, hyggur dómsnevndin eisini eftir, um fyritøkur hava víst framfýsni og áræði á ymiskum økjum, og um hetta hevur viðført menning og vøkstur av fyritøkuni. Hetta kann t.d. vera viðvíkjandi framleiðslu, útflutningi, útbúgving ella vøru- og tænastumenning.

Umframt heiðurin fær Ársins Virki eina serliga standmynd, ið er gjørd til endamálið. Talan er um eina standmynd stoypta í bronsu.

Ársins Virki hevur verið kosið á hvørjum ári, meðan Ársins Átak hevur verið kosið, tá mett hevur verið, at fyritøka ella persónur hava gjørt eitt serligt átak, ið kann gagna vinnuligum framburði. Hetta kann vera eitt einkult átak, men kann eisini vera arbeiði, sum er gjørt í longri tíð. Sama dómsnevnd, sum velur Ársins Virki, velur Ársins Átak.

Fyri Ársins Átak verður latin ein minni standmynd, sum er eitt V úr stáli við búmerkinum hjá Føroya Arbeiðsgevarafelag graverað í.

Hvør verður Ársins Virki og Ársins Átak 2014 verður avdúkað í Norðurlandahúsinum 26. september á Vinnudegnum 2014.

Skrá til Vinnudagin 2014 sæst her.

Vælkomin til Vinnudagin 2014 ??? melda teg til nú.

Ársins Virki higartil:

2000 Havsbrún

2001 Tórshavnar Skipasmiðja

2002 Vónin

2003 Vaðhorn

2004 Reyni Service

2005 Faroe Marine Products

2006 Thor

2007 Eik Banki

2008 ArtiCon

2009 Bakkafrost

2010 Tavan

2011 Vónin

2012 Luna

2013 Vest Pack

Ársins Átak higartil:

2000 Ikki valt

2001 North Atlantic Fish Fair

2002 Teitur Lassen

2003 Formula.fo, Total View

2004 Atlantic Airways, sáttmálin Aker Stord

2005 Fariga Seafood

2006 Vinnuvitan

2007 Ikki valt

2008 Decision3

2009 Tórshavnar Matfestivalur

2010 Vilt í Suðuroy

2011 Jákup Zachariassen

2012 Varðin Pelagic

2013 KOKS

Í dómsnevndini sita:

Marita Rasmussen, stjóri í Føroya

Arbeiðsgevarafelag

Bjørgfríð Ludvig, aðalstjóri í Vinnumálaráðnum

Janus Petersen, stjóri í BankNordik

Súni Schwartz Jacobsen, stjóri í Eik Banka

Sigurð í Jákupsstovu, rektari á Fróðskaparsetri Føroya

Kristian Danielsen , stjóri Vest Pack, Ársins Virki 2013

Skrivari í dómsnevndini er Niels Winther, ráðgevi í Vinnuhúsinum.

Vinarliga broyt tínar kennifíla - og privatlívsstillingar fyri at síggja hetta innihald