Arctic Voyager gjørdi skjótt av

Fyrrapartin í gjár loysti Arctic Voyager av Fuglafirði, og setti kós suður á svartkjaftafeltið. Arctic Voyager gjørdi eitt hál, og fingu teir 500 tons av svartkjafti. 

Arctic Voyager kom fyrr í kvøld aftur á Fuglafjørð, nakað verður landað til Pelagos, og so verður restin landað til Havsbrún sigur Ludvík við Stein reiðari við jn.fo.

Arctic Voyager hevur fiskað góð 7500 tons í ein mánað, og fer skipið helst út aftur millum jól og nýggjár. Arctic Voyager hevur umleið 1500 tons eftir at fiska av kvotuni ið var keypt á uppboðsølu.

Skipari henda túrin var Mikkjal Hammer úr Hvalba.