Arctic Viking hevur góðan fiskiskap í russiskum sjógvi

 Rækjutrolarin Arctic Viking, sum mikudagin hevði verið til fiskiskap í russiskum sjógvi í 14 dagar, hevði tá 265 tons av rækjum í lastini.

Teir hava roynt í landnyðring úr Loynikrókinum, har royna eisini 5 russisk skip.

Niklái Petersen, skipari á Arctic Viking, segði við JN.fo mikudagin, at tað er óvanligt hesa árstíðina, men hann helt, at teir helst kendu ov lítið til rækjuveiðu í russiskum sjógvi, men segði eisini, at teir hóast alt hava roynt í russiskum sjógvi í nøkur ár, men ongantíð júst á tí leiðini hesa árstíðina, har teir royna nú.