Jóanis Nielsen
ARKITEKTURUR: Komandi leygardag skipar Arkitektafelag Føroya fyri arkitekturdegi. Tað er altjóða arkitektafelagsskapurin, UIA, sum í 1985 skipaði fyri tí fyrsta altjóða arkitekturdegnum. Dagurin hevur síðan tá verið eitt afturvendandi tiltak í fleiri londum á hvørjum ári í oktober mánaða. Arkitekturdagurin í Føroyum verður í ár hildin í Perluni í Havn.
Arkitekturáhugaði kunnu gleða seg til eina forvitnisliga framsýning og fyrilestrar um arkitektur í Perluni í Havn komandi leygardag, har arkitektar sýna fram ymisk hugskot og avrik. Síðani 1985 hevur altjóða arkitektafelagsskapurin, UIA ??? The International Union of Architects, hildið altjóða arkitekturdagin. Í hesum sambandi hevur Arkitektafelag Føroya í nógv ár hildið hendan dagin við framsýningum, fyrilestrum, greinarøðum og øðrum tiltøkum.
Landsverk hevur tikið lut í hesum tiltøkum gjøgnum árini, og hevur skipað fyri vitjanum, arkitektar á Landsverki hava luttikið við fyrilestrum og greinum og hava eisini skipað fyri undirvísing um arkitektur í fólkaskúlanum.
Evnið fyri arkitekturdagin í ár er "Nemandi umhvørvi". Landsverk luttekur í framsýningini í Perluni við "Fróðskaparsetur Føroya - Strategisk Campusplan", ið er ein ætlan fyri útbygging av Fróðskaparsetrinum yvir eitt 10-ára skeið.
Skrá fyri arkitekturdagin 2019:
Perlan
Kl. 12.30: Framsýningin ???Nemandi umhvørvi??? letur upp í Perluni.
Kl. 13.00:Formaðurin í Arkitektafelag Føroya, Svend Sivertsen, bjóðar vælkomin.
Kl. 13.05: Borgarstjórin í Tórshavn, Annika Olsen, bjóðar vælkomin og setir arkitekturdagin 2019.
Kl. 14.00:Fyrilestrar:
- Minni serskúlar ella stórir meginskúlar? Svend Sivertsen frá teknistovuni FuglArk og formaður í Arkitektafelagnum hugleiðir.
- Leiklutir og avbjóðingar hjá Uttanríkis- og mentamálaráðnum í sambandi við skúlabygging. Jenny Lydersen, undirvísingarleiðari í Uttanríkis- og mentamálaráðnum, greiðir frá.
- Tórshavnar Musikkskúli. Kári Dal-Christiansen frá Teknistovuni Kontrast greiðir frá.
Rundvísingar ymsa staðni í Tórshavn
Kl. 15.15:Tórshavnar Musikkskúli. (Landavegur 84A).
Rundvísing og frágreiðing á staðnum. Kári Dal-Christiansen frá teknistovuni Kontrast greiðir frá.
Kl. 15:15:Skúlin á Fløtum. (Janusargøta 10, oman fyri Musikkskúlan).
Rundvising og frágreiðing á staðnum. Ragnar Zachariassen frá ZETA arkitektar greiðir frá.
Kl. 16:15:Tórshavnar Musikkskúli. (Landavegur 84A).
Rundvísing og frágreiðing á staðnum. Kári Dal-Christiansen frá teknistovuni Kontrast greiðir frá.
Kl. 16:15: Landssjúkrahúsið, nýggi H-bygningurin. (Inngongd niðan fyri sjúkrahúsið).
Rundvísing og frágreiðing á staðnum. Nina A. Arge frá Selmar Nielsen Arkitektar greiðir frá.
Perlan
Kl. 17:45: Perlan: Formaðurin Svend Sivertsen endar arkitekturdagin.
Kl. 18:00: Framsýningin letur aftur.
Tiltakið er alment og ókeypis, og øll eru vælkomin.
Vinarliga broyt tínar kennifíla - og privatlívsstillingar fyri at síggja hetta innihald