4 fólk svumu í dag um Kolturssund

 Í dag hava Erling Eidesgaard, Leivur Dahl Michelsen, Lív Erlingsdóttir Eidesgaard og Erlendur Simonsen svomið um Kolturssund. Tey fóru av hellini í Koltri um middagin og hálvan tíma seinni komu tey á land ú Hesti.

Erling Eidesgaard skrivar soleiðis á Facebook:

Í dag vóru vit fýra, ið gjørdu Magnusi í Koltri kynstrið eftir og svumu um Kolturssund. Vit fóru av helluni í Koltri um middagsleitið og uml. hálvan tíma og hálvanannan kilometur seinni stóðu vit á helluni á Hestoynni. Í dag var eingin maður fyri okkum við øks, men hesaferð vóru ørindini ikki júst at fríggja. Ein deiligur túrur í dýrdarveðri.

Les eisini søgnina um "Koltursdreingin, sum svam í Hest" LES HER.

Myndirnar eigur Erling Eidesgaard.