Mentan

Tvøroyri: Miðbýurin gerst grønari

Fríðkanin av miðbýnum heldur fram, og í gjár vórðu trø sett niður á p-økinum millum Strandfaraskip Landsins og Betri Banka.

2022-04-05 16:24 Author image
Jóanis Nielsen
placeholder

Trøini eru av slagnum Bornholmskt Royniberjatræ og eru keypt úr Hálandi. Trøini eru 5 metrar høg og snøgt sær tað út, nú tey eru sett niður. Vónin er at trøini koma at trívast, so vit innan stutta tíð síggja grønar spírar á greinunum.

Miðskeiðis í býnum, á p-økinum millum Bónus og Býarsavnið, eru vakrir plantupottar settir upp. Ymiskar plantur eru plantaðar í teir, ið blóma ymiskar tíðir av árinum.
Á trøini við gomlu Roykstovuna hjá T.F. Thomsen er eisini nógv arbeiði í gongd. Sum kunnugt verður trøðin gjørd til grønt øki við benkrum, borðum og parkour-øki til ungdómin.
Nú eru so trø sett niður her á økinum og í næstum verður farið undir at gera eina gøtu gjøgnum trøðna. Gamli hjallurin á trøðni, verður eisini tikin niður komandi tíðina. Trøini eru av fleiri ymiskum sløgum: Japanskt royniberjatræ, fuglakirsiberjatræ, sírenutræ, navr(ahornsslag), kirsuberjablomma, berjamispil og tyrnirunnur. Spennandi verður at fylgja við og síggja hvussu trøini fara at roynast í føroyska veðurlagnum.
Ein sannroynd er tó, at her á Tvøroyri tykjast trø at trívast sera væl í lívdini í miðbýnum og vónin er hetta eisini verður úrslitið á gomlu Roykstovutrøðni.

Vinarliga broyt tínar kennifíla - og privatlívsstillingar fyri at síggja hetta innihald

placeholder