Steintóra prestur á Dansibandsfestivalinum

Ein av afturvendandi hátíðarligu pørtunum av Dansibandsfestivalinum er Dansibands-gudstænastan, sum er í Vágs Høll leygardagin á Dansibandsfestivalinum. Í ár eru vit sera fegin um at kunna boða frá, at ein av okkara egnu – Steintóra Gleðisheygg Joensen verður prestur til Dansibands-gudstænastuna.

Steintóra varð prestvígd í Havnar kirju í apríl í fjør og er fyribilssett sum sóknarprestur í Norðstreymoyar vestara prestagjaldi. 

Í heyst varð dokumentarurin ”Sjey dagar við Steintóru”, sum Finnur Koba legði til rættis vístir í sjónvarpinum hjá Kringvarpi Føroya – og kann hann síggjast her: https://kvf.fo/dokumentarurin?sid=130459