Mentan

Sørvágur: Alvalon fingið nýggjan leiðara

Tordis Dam Johannesen úr Sandavági er sett sum nýggjur leiðari í Alvalon.

2022-05-04 09:55 Author image
Jóanis Nielsen
placeholder

Tordis hevur námsfrøðiliga útbúgving frá Hjørring Seminarium, har hon var liðug í 2001. Hon flutti aftur til Føroyar í 2006 og byrjaði í Alvalon sama ár, og fram til 2016 var hon varaleiðari á stovninum.
Eftir hetta hevur Tordis starvast í dagstovnaøkinum hjá Vága kommunu, og eisini tikið skeið í leiðslu, og B.A. í námsfrøði.

Sostatt hava vit fingið ein leiðara við drúgvum námsfrøðiligum royndum og leiðsluroyndum, eins og hon kennir bæði stovnin og flestu starvsfólkini.

Í løtuni eru yvir 100 børn í Alvalon, og aftaná summarferiuna verður talið 92.

Sørvágs kommuna ynskir Tordis blíðan byr í leiðarastarvinum, og fyrsti arbeiðsdagur hennara verður mánadagin 9. mai

Vinarliga broyt tínar kennifíla - og privatlívsstillingar fyri at síggja hetta innihald

placeholder