Sethúsaprísirnir halda á at veksa

Sethúsaprísirnir halda á at veksa

Sethúsaprísirnir eru seinastu 10 árini tvífaldaðir í Tórshavn og í Suðuroy/Sandoy. Somuleiðis er prísurin á eigaraíbúðum í Tórshavn tvífaldaðir, meðan teir eru nærum trífaldaðir í stóru og smáu bygdunum seinastu 10 árini.

Miðal sethúsaprísurin í Tórshavn er sambært hagtølum frá Føroya Banka 4,4 mió. kr. og fyri íbúðir 3,1 mió. kr. higartil í 2025 (til og við 3. ársfjórðing 2025). Hagtølini eru fyribils og rættingar kunnu fyrikoma.

Í størri bygdunum er miðalprísurin fyri eini sethús 2,6 mió. kr. og í smærru bygdunum 2,1 mió. kr. Í Suðuroy og Sandoy, sum eru bólkaði saman, eru sethúsini í miðal farin fyri 1,2 mió. kr. hesar fyrstu tríggjar ársfjórðingarnar í 2025.

Tey dýrastu 5% av sethúsunum, ið eru seld í Havnini higartil í 2025, eru farin fyri nærum 5,8 mió. kr. í miðal, ímeðan tær dýrastu 5% av íbúðunum, ið eru seldar í Havnini, eru farnar fyri 4,4 mió. kr. í miðal.

Seinastu árini hava tað eisini í størri mun enn áður verið seldar íbúðir úti á bygd. Tær 5% dýrastu íbúðirnar, sum er seldar higartil í 2025 í størru bygdunum, eru farnar fyri 3,3 mió. kr. í miðal.

Sethúsaprísirnir eru seinastu 10 árini tvífaldaðir í Tórshavn og í Suðuroy/Sandoy. Somuleiðis er prísurin á eigaraíbúðum í Tórshavn tvífaldaðir, meðan teir eru nærum trífaldaðir í stóru og smáu bygdunum seinastu 10 árini, sí mynd 1.

Inntøkurnar hjá fólki eru ikki øktar eins nógv sum sethúsaprísirnir seinastu 10 árini, sí mynd 2. Í 2023 sæst ein lítil minking í sethúsaprísunum, ið væntandi kom orsakað av rentuhækkingum, sum byrjaðu á sumri 2022. Síðani á sumri 2024 eru renturnar lækkaðar, og tað hevur minkað um rentuútreiðslurnar.

Møguliga hava rentulækkingarnar gjørt tað gjørligt hjá eitt sindur fleiri húsarhaldum at bjóða uppá eini sethús. Húsarhaldini hava harafturat fingið lønarhækkan og skattalætta, ið betrar um fíggjarstøðuna og sostatt møguleikan fyri at bjóða uppá eini hús.

Lága útboðið av sethúsum samanborið við stóra eftirspurninginum er tó høvuðsorsøkin til, at prísvøksturin á sethúsamarknaðurin er hildin fram í 2024 og higartil í 2025.   

Mynd 1. Sethúsaprísir

Mynd 2 Vøkstur í inntøku og sethúsapríum

Les meira í frágreiðing landsbankans um fíggjarliga støðufestið seinnu hálvu 2025 her.