Jóanis Nielsen
20 framleiðarar, leikstjórar og filmsfakfólk fara avstað við ítøkiligum verkætlanum fyri m.a. at skapa samstørv, menna og skapa nýggj sambond og fáa íleggjarar til samframleiðslur. Filmshúsið hevur luttikið í Berlin fyri fimm árum síðani. Tá var endamálið at greiða frá nýggja stovninum – Filmshúsið og hvørjar ætlanirnar vóru. Hesaferð er endamálið eitt annað.
Føroyska Filmshúsið skipar ferðina og hevur bás á stóra European Film Market, har tey gera føroyska filmsvinnu sjónliga. Harafturat skipar Filmshúsið fyri tiltakinum "Meet the Faroese", har 70 fólk eru boðin - filmsfakfólk, leiðandi fólk fyri onnur filmsinstitutt, umboð fyri stórar filmsstevnur (festival programmers), sølufólk, framleiðarar, Creative Europe, Cine-Regio og onnur - eru boðin.
Luttøkan á Berlinaluni er ein liður í at menna filmsvinnuna við økja um virksemi, førleikamenna og skapa støðug arbeiði og fleiri arbeiðspláss.
Fyri filmsvinnuna er afturberingaskipanin eitt tað besta amboð at hava við á eina slíka stóra stevnu. Hon kann veruliga gera mun, tá útlendskar framleiðslur skulu dragast hendan vegin
Tann 21. februar vendir allur hópurin aftur til klettarnar. Tina í Dali Wagner, leiðarin fyri Filmshúsið, sigur at fleir fyrispurningar um samframleiðslur eru, so tí er tað neyðugt at luttaka á slíkum stevnum. Til ber at lesa um virksemi hjá filmshúsinum á www.filmshusid.fo
Filmshúsið
Vinarliga broyt tínar kennifíla - og privatlívsstillingar fyri at síggja hetta innihald