Janus Gunnarsson heiðraður við kongaligari medalju á 50 ára starvsdegnum

Janus byrjaði á goymsluni í niðurløgdu eysturoyardeildini hjá Poul Hansen á Glyvrum í 1976. Seinni fór hann í læru hjá Krás sum slaktari. Eftir lokna læru gjørdist hann partur av sølutoyminum hjá Poul Hansen – og hevur verið tað líka síðani.

Á 50 ára starvsdegnum varð Janus heiðraður á eini serligari hátíðarløtu saman við starvsfeløgunum og sínum nærmastu.

Starvsfelagin hjá Janusi, Finnbogi Danielsen, sum kann hátíðarhalda 55 ára starvsdag hjá Poul Hansen í august, helt eina røðu. Tað sama gjørdi Tony Rasmussen, stjóri hjá Poul Hansen.

Poul Hansen fegnast um at kunna heiðra Janus Gunnarsson fyri drúgva og trúgva tænastu.