Vesturbúgvin og Eysturbúgvin landa makrel

 Partrolararnir Eysturbúgvin og Vesturbúgvin, sum hava verið á makrelveiðu í ES-sjógvi, bæði eystanfyri og vestanfyri Hetland, komu heim í nátt.

Eysturbúgvin landar á Tvøroyri til virkið í Hvalba, teir hava 70 tons, Vesturbúgvin, sum hevur um 100 tons landar til Vestmanna Seafood, teir komu á Vestmanna í nátt og byrja at landa til arbeiðstíð í morgun.

Vit á JN.fo tosaðu umborð á Vesturbúgvan í gjárkvøldið, teir søgdu, at tað var heldur minni at fáa hendan túr, heldur enn undanfarnu túrar, men teir rokna við, at fiskiskapurin vestur úr Hetlandi fer at taka seg upp nú.