Vestmenningur og Skoraberg landaðu í Klaksvík í gjár

 Í gjár landaðu Vestmenningur og Skoraberg gulllaks í Klaksvík, Veiðuna keypti Tavan í Leirvík - teir høvdu tilsamans 120 tons.

Skipini høvdu hendan túrin roynt vestur úr Mykinesi.

Tað eru eini 500 tons eftir at fiska av gulllaksakvotuni, sum tilsamans er uppá 14.400 tons.

Í morgun royna Stjørnan, Polarhav, Vestmenningur og Skoraberg sunnast í føroyskum sjógvi, ímeðan hitt gulllaksaparið Vesturbúgvin og Eysturbúgvin rigga til at fara á makrelveiðu.